ریاست معارف لوگر، کمپاین چندروزه‌ آگاهی‌دهی در مورد قانون اساسی در این ولایت را برگزار کرده است.

به گزارش خبرگزاری صدای افغان (آوا)، به گفته مسؤولان ریاست معارف لوگر به منظور آشنا کردن شهروندان لوگر و کارمندان ادارات این ولایت، کمپاین چند روزه‌ای برای تفسیر و معرفی ۱۶۲ ماده قانون اساسی برگزار گردیده است.
به گفته این مسؤولان بیشتر مردم از قانون اساسی کشور شناخت درستی ندارند که باید برای مردم این قانون شرح داده شده و معرفی گردد.
آنها یکی از دلایل عدم تطبیق قانون را بی خبری مردم از قانون دانست.
گفتنی است که قانون اساسی افغانستان در سال ۱۳۸۲ در ۱۲ فصل و ۱۶۲ ماده تصویب گردید.