«شما آینده افغانستان هستید و امیداورم به حدی به ترقی و پیش‌رفت برسید که رییس جمهور افغانستان شوید». آقای غنی ابراز آرزومندی کرده است که «ثروت و داشته‌های افغانستان» با دستان پرتوان نخبگان کانکور مدیریت شود.

محمداشرف غنی، رییس جمهور، با شمسیه علی‌زاده، اول نمره عمومی و پنج تن از پیش‌تازان کانکور امسال دیدار کرده است.
صدیق صدیقی، سخنگوی ریاست جمهوری، گفته است که این دیدار پس از چاشت روز سه‌شنبه، بیست‌ودوم میزان، صورت گرفته است.
رییس جمهور غنی به هر یک از شش  چهره‌ نخبه کانکور ۱۰۰ هزار افغانی تحفه داده است.