نشست دو روزه‌ی کشورهای منطقه با اشتراک کشورهایی از جمله ایران، روسیه و هند امروز (پنجشنبه، ۵ ثور) در شهر دوشنبه، پایتخت تاجیکستان برگزار می‌شود.

خبرگزاری صدای افغان (آوا) ـ کابل: قرار است تا در این نشست، مشاورین امنیت ملی کشورها حضور یابند.

مقام‌های دولت اسلامی طالبان همواره از برگزاری این نشست‌ها استقبال کرده‌اند اما در عین حال تاکید می‌کنند که کشورهای حاضر در این جلسات باید واقعیت‌های عینی افغانستان را در نظر بگیرند و براساس آنها سیاست خود را تطبیق دهند.

این نشست در حالی برگزار می‌شود که کشورهای منطقه از حضور گروه‌های تروریستی در افغانستان نگران هستند و بسیاری از آنان از قطع رابطه طالبان با گروه‌های هراس افکن اطمینان حاصل نکرده‌اند.