مسئولین امنیتی ولایت قندو ز از زخمی شدن کنسول تاجیکستان در تیراندازی افراد مسلح ناشناس خبر دادند.
سید سرور حسینی؛ سخنگوی فرمانده پولیس ولایت قندوز در گفتگو با خبرگزاری صدای افغان این خبر را تایید کرده است.
بنابر گفته وی، آقای محبوب؛ کنسول تاجیکستان در حالی که از ولایت بدخشان به سوی ولایت قندوز در حرکت بود در مسیر شاهراه ولسوالی خان آباد با کمین مهاجمان مسلح مواجه شده است.
آقای حسینی افزود: راننده آقای محبوب در کمین توقف نکرد و به راهش ادامه داد و مهاجمان بالای آن ها آتش گشودند.
وی وضعیت سلامتی کنسول تاجیکستان را رضایت بخش توصیف کرد و گفت که فعلا آقای محبوب در شفاخانه بستری می باشد.
بنابر گفته سید سرور حسینی؛ سخنگوی فرمانده پولیس ولایت کندز، تا کنون هیچ گروهی مسئولیت حمله بر کنسول تاجیکستان را بر عهده نگرفته است.
گفتنی است که سفارت تاجیکستان در کابل و گروه طالبان نیز در مورد این سوء قصد هیچ واکنشی نشان نداده اند.