په بغلان ولایت کې یو پایه تلویزیون چې چاودیدونکي توکي په کې ځای پر ځای شوي ول، له یو تن لیږدونکي سره یې یو ځای ونیول شو.
د ملی امنیت لوی ریاست منسوبینو د کشفی اطلاعاتو له مخې د یو لړ ځانګړو عملیاتو په ترڅ کې محمد د محمد عزیز زوي، چې د طالبانو ترهګری ډلي یو قوماندان په نوم د دیان په لارښوونه یې غوښتل د یو پایه تلویزیون په واسطه چې چاودیدونکي توکي په کې ځای پر ځای او د ریموټ کنترول په سیستم عیار شوي ول، د مرکزی بغلان ولسوالی د امنیی قوماندانې پر وړاندې پر امنیتی ځواکونو باندې یو ترهګریز برید تر سره کړی، چې له نیکه مرغه خپلې ناوړې موخې ته له رسیدو د مخه د افغانستان د سولې او ثبات د دښمنانو دغه شوم پلان شنډ او نوموړی له چاودیدونکو توکو ډګ تلویزیون سره یو ځای د مرکزی بغلان د ښار له اړوندو سیمو څخه ونیول شو.
د نوموړی ترهګر په نیولو سره د مرکزی بغلان د ښار په اړوندو سیمو کې د یو ترهګریز برید مخه ونیول شوه.