د جمهور رئیس غني په نامه د روسیې د جمهور رئیس ولادیمیر پوتین لخوا د خواخوږۍ پیغام را رسېدلی دی.
په هېواد کې د وروستیو طبیعي پېښو له امله د اوښتې مرګ ژوبلې په خاطر دافغانستان د جمهور رئیس محمد اشرف غني په نامه د فدراتیفې روسیې د جمهوررئیس ولادیمیر پوتین لخوا کابل ته د خواخوږۍ او ډاډګیرنې پیغام را رسېدلی دی.
د فدراتیفې روسیې جمهور رئیس په خپل دغه پیغام کې د افغانستان جمهور رئیس محمد اشرف غني،د قربانیانو کورنیو او د افغانستان خلکو ته د خپلې ژورې خواخوږۍ او ډاډګیرنې مراتب وړاندې کړي دي.