د افغانستان د اسلامي جمهوریت د بهرنیو چارو وزارت د سیاسي چارو مرستیال جلالتمآب حکمت خلیل کرزی له خوا جلالتمآبانو هر یوه:
ښاغلی علی ناجی کورو د ترکیې د جمهوریت د بهرنیو چارو وزارت مرستیال، ښاغلی بدر بن محمود بن حمود د عمان سلطنت د بهرنیو چارو وزارت مرستیال، ښاغلی خالد سلیمان الجارالله د کویټ دولت د بهرنیو چارو وزارت مرستیال، ښاغلی محمد میرالرئیسی د عربي متحده اماراتو د بهرنیو چارو وزارت مرستیال، ښاغلی محمد بن عبدالله بن متعب الرمیحی د قطر دولت د بهرنیو چارو وزارت مرستیال، ښاغلی شاهزاده عبدالعزیز بن عبدالله بن عبدالعزیز د سعودي عربستان د شاهي هیواد د بهرنیو چارو وزارت مرستیال، ښاغلی عبدالله عبدالطیف عبدالله د بحرین د شاهي هیواد د بهرنیو چارو وزارت مرستیال او ښاغلی امیر سالم العیدروس د یمن جمهوریت د بهرنیو چارو وزارت مرستیال، ته د کوچني اختر د را رسیدو له کبله د مبارکۍ پیغام هغو هیوادونو ته په لاندې ډول استول شوی دی:
السلام علیکم و رحمته الله و برکاته
خوشحاله یم چې د کوچني اختر د را رسیدلو په ویاړ، د خپل د زړه له کومې مبارکۍ تاسو او ستاسو له لارې ورور او دوست هیواد خلکو ته وړاندې کوم.
د پاک خدای ج له دربار څخه ملګرو هیوادونو او د نړۍ ټولو مسلمانانو ته د دې ویاړلي ورځو په برکت نیکمرغي، سوله، پرمختیا او تعالي غواړم.
د وخت څخه په ګټې اخیستنې سره تاسو ته د روغتیا او نېکمرغي هیله کوم."