تیره ورځ درې بجې دناړۍ ولسوالۍ په دوکلام سیمه کې پاکستاني نظامیانو په افغان امنیتي پوستو ډزې کړي چې له امله یې امنیتي ځواکونو ا و ولسي خلکوته مالي او ځاني زیانونه اوښتي افغان امنیتي ځواکونو چې دناړۍ میړني ولس یې کلکه مل تیاکوله له خپل ځان او ولسونو یې ټینګه د فاع کړې په یاده پیښه کې د امنیتي ځواکونو دوه تنه شهیدان او دڅلورو ملکي وګړو په ګډون (۱۱) تنه نور ټپیان شوي په یاده سیمه کې دولسي خلکو څو هټۍ ګانې هم دپاکستاني نظامیانو توپونو په نخه کړي، اور يې اخیستې اوله منځه تللي .

دکونړ ولایت اداره او ولسونه دکرښې دهاخواڅخه دافغانستان پرخاوره دمرمیو ویشتل او سرغړونې په ټینګه غندي او دغه ډول تهدیدونه اوفعالیتونه په سیمه کې دښه ګاونډیتوب ،امنیت،سولې اوپرمختګ پرضد حرکتونه بولي ا و په کلکه د دغه ډول حرکتونو دمخنیوي غوښته کوي ، زمونږ امنیتي ځواکونه د دې وړتیالري چې دخپلې خاورې او ولس څخه دفاع وکړي.