افغان چارواکي وايي چې د هلمند موسی کلا ولسوالۍ یې تیره شپه بیرته د وسله والوطالبانو څخه نیولې ده.
په هلمند کې د ۲۱۵ میوند قول اردو مطبوعاتي مسول محمد رسول ځاځي نن ازادي راډیو ته وویل چې یاده ولسوالۍ یې د هلمند او کندهار د ګډو امنیتي سرتیرو په همکاري د وسله والو طالبانو څخه پاکه کړې ده.
ښاغلي ځاځي زیاته کړه چې د موسی کلا ولسوالۍ د بیرته نیولو پرمهال شاوخوا ۳۰ وسله وال طالبان وژل شوي او تر ۹۰ زیات ټپیان شوي دي.
د تیرې چهارشنبې په شپه په موسی کلا ولسوالۍ کې میشت افغان سرتیري د دې ولسوالۍ له ځینو سیمو ووتل چې وروسته د وسله والو طالبانو لاسته ولویده.
وسله والو طالبانو تر دا مهاله د موسی کلا ولسوالۍ په اړه څه نه دي ویلي.
دریافت صفحه با کد QR