د افغانستان د اسلامي جمهوریت جمهور رئیس محمداشرف غني پرون له غرمې وروسته د سوداګرۍ د نړیوال سازمان پلاوي سره وکتل.
په دې کتنه کې چې په ارګ کې ترسره شوه، دواړو لوریو د سوداګرۍ نړیوال سازمان کې د افغانستان غړیتوب ته د زمینې جوړولو په هکله بحث وکړ.
د سوداګرۍ د نړیوال سازمان پلاوي وویل، په دې سازمان کې د افغانستان غړیتوب د سوداګريزو اصلاحاتو او د شغلونو د ایجاد په برخه کې مرستندوی واقع کېدلی شي او له هېواد څخه بهر افغانانو ته به په افغانستان کې د پانګونې زمینه برابره کړي.
جمهور رئیس غني وویل، د ازاد او رقابتي بازار لپاره د زمینې جوړولو مهمه موضوع په سالم ډول ده او د خوښۍ ځای دی چې د افغانستان اکثر خلک په مشروع راکړه ورکړه او سوداګرۍ بوخت دي، خو جرمي اقتصاد اوس هم د ازاد بازار د لارې خنډ دی.
د هېواد جمهور رئیس وویل، د افغانستان د ازاد بازار لپاره چې کوم قوانین او رژیمونه وضع کېږي، باید د هېواد له شرایطو سره مطابقت ولري، ځکه په اوس وخت کې د افغانستان اقتصادي وضعیت د رضایت وړ نه دی.
محمداشرف غني وویل، د افغانستان په سوداګرۍ کې د توازن د رامنځته کولو لپاره د صادراتي رژیمونو رامنځته کول ډېر مهم او حیاتي دي.
جمهور رئیس د دې کتنې په پای کې وویل، د دې سازمان له تجربو څخه ګټه اخیستنه به په هر اړخیز ډول وارزوي، تر څو د غړیتوب له اخیستلو دمخه بشپړ تیاری ولري او په یاد سازمان کې د غړیتوب له ښېګڼو څخه اعظمي ګټه واخلي.
په دې کتنه کې چې په ارګ کې ترسره شوه، دواړو لوریو د سوداګرۍ نړیوال سازمان کې د افغانستان غړیتوب ته د زمینې جوړولو په هکله بحث وکړ.
د سوداګرۍ د نړیوال سازمان پلاوي وویل، په دې سازمان کې د افغانستان غړیتوب د سوداګريزو اصلاحاتو او د شغلونو د ایجاد په برخه کې مرستندوی واقع کېدلی شي او له هېواد څخه بهر افغانانو ته به په افغانستان کې د پانګونې زمینه برابره کړي.
جمهور رئیس غني وویل، د ازاد او رقابتي بازار لپاره د زمینې جوړولو مهمه موضوع په سالم ډول ده او د خوښۍ ځای دی چې د افغانستان اکثر خلک په مشروع راکړه ورکړه او سوداګرۍ بوخت دي، خو جرمي اقتصاد اوس هم د ازاد بازار د لارې خنډ دی.
د هېواد جمهور رئیس وویل، د افغانستان د ازاد بازار لپاره چې کوم قوانین او رژیمونه وضع کېږي، باید د هېواد له شرایطو سره مطابقت ولري، ځکه په اوس وخت کې د افغانستان اقتصادي وضعیت د رضایت وړ نه دی.
محمداشرف غني وویل، د افغانستان په سوداګرۍ کې د توازن د رامنځته کولو لپاره د صادراتي رژیمونو رامنځته کول ډېر مهم او حیاتي دي.
جمهور رئیس د دې کتنې په پای کې وویل، د دې سازمان له تجربو څخه ګټه اخیستنه به په هر اړخیز ډول وارزوي، تر څو د غړیتوب له اخیستلو دمخه بشپړ تیاری ولري او په یاد سازمان کې د غړیتوب له ښېګڼو څخه اعظمي ګټه واخلي.
سرچينه : د صدای افغان خبری آژانس(آوا)
