د ملي امنیت لوی ریاست موظفینو د تحریر ګوند عمومي مسئول عبدالقیوم د لعل محمد زوی چې له دریو کلونو راهیسې یې په پټه په نیمروز ولایت کې دغه ګوند ته د ځوانانو په جلب او جذب، د نظام او ډیموکراسۍ پر ضد د سخت دریځو آندونو او د هېوادوالو د ګواښلو په موخه د کتابونو، مجلو او شپې پاڼو په چاپولو او خپرولو لاس پورې کاوه دغه ګوند ته له اړوندو ګڼ شمېر تبلیغاتي پاڼو، کتابونو، مجلو او یو کمپیوټر سره نیولی دی.