د افغانستان د فوټبال ملي لوبډله د اسیا د جنوبي هېوادونو د فوټبال د سیالیو "ساف ګیم" لپاره هند ته تللې او راتلونکې مسابقه یې سبا دوشنبه د مالدیف په وړاندې ده.
د ملي لوبډلې مرستیال روزونکي علي عسکر لعلي پرون ازادي راډیو ته وویل چې له مالدیف سره مسابقې ته پوره تیاري لري.
علي عسکر لعلي:
"زموږ امتیاز تر مالدیف زیات دی یعني آن که مساوي پای ته ورسېږو، په خپل ګروپ کې د اول ټیم په توګه بلې مرحلې یعنې سیمي فاینل ته وتلای شو."
په پرونۍ سیالي کې د افغانستان د لوبډلې خیبر اماني او مسیح سیغاني ګولونه وهلي دي.
افغانستان تر دې مخکې د بنګله دېش ټیم ته په ۴ ګولونو ماتې ورکړه.
دریافت صفحه با کد QR