د افغانستان د اسلامي جمهوریت د جمهور رئیس د حکم په اساس محمد هارون چخانسوري پر فعلي دندو سربېره د جمهوري ریاست د چارو ادارې د تشریفاتو د رئیس په توګه وټاکل شو او دنده یې پیل کړه.
ښاغلي چخانسوري تر دې وړاندې په نړیوال بانک کې دنده ترسره کړې. په دولتي او غیر دولتي ادارو کې یې د پالیسي جوړولو او د برنامو د مدیریت په برخو کې له ۱۲ کالو څخه زیات کار کړی دی.
ښاغلي چخانسوري خپلې لوړې زده کړې د ماسټرۍ تر کچې د عامه ادارې او پالیسۍ په برخه کې د استرالیا په سیدني پوهنتون کې ترسره کړې دي.
نوموړی د برنامو د همغږۍ، پالیسي جوړولو، عامه مدیریت او د پروژو د مدیریت په برخه کې څو تالیفات او ژباړې لري.
دریافت صفحه با کد QR