په تېرو ۲۴ ساعتونو کې د افغان ځواکونو پوځي عملیاتو په ترڅ کې کابو ۴۹ تنه ترهګر وژل شوي دي، په دې عملیاتو کې افغان ځواکونو یو شمېر وسلې او مهمات هم ترلاسه کړي دي.

د آوا غږ ( آوا ) آژانس د خبر له مخې : د کورنیو چارو وزارت په خپره شوې خبرپاڼه کې د تېرو ۲۴ ساعتونو په ترڅ کې د ۴۹ وسله‎والو له وژل کېدو خبر ورکړی دی.
خبرپاڼه زیاتوي چې یاد شمېر وسله‎وال د هېواد په بیلابیلو سیمو کې د افغان ځواکونو د پوځي عملیاتو په ترڅ کې وژل شوي دي.
خبرپاڼه همداراز زیاتوي چې په دې عملیاتو کې د ترهګرو یوه اندازه وسلې هم د امنیتي ځواکونو لاسته ورغلي دي.
افغان ځواکونو ته د زیان رسېدو په اړه څه نه دي ویل شوي.