چارواکی ویلی، د پاکستان د راکېټي بریدونو د څېړلو له پاره لوړ پوړي افغانستانی امنیتي چارواکي ننګرهار ته تللي دي.

دافغان غږ(آوا) آژانس دخبر له مخی، د کورنیو چارو وزارت امنیتي مرستیال ستر پاسوال عبدالرحمن، د افغان پوځ مشر جنرال قدم شاه شهیم، او د ملي امنیت مرستیال ادیب فهیم ختیځ ته تللي دي.
د ننګرهار د والي ویاند عطالله خوږیاڼي وایی، د لعل پورې پر ولسوالۍ د پاکستانیو راکټي بریدونو د دفاع په خاطر افغان ځواکونو ته د چمتوالي او تیارسئ امر شوی دی.
راپورنه وایی، له ۳ ورځو راهیسې د افغانستان په ختیځو برخو کې د پاکستان له خوا د سرحدي اصولو نه سرغړونه شوې ده.
ویلکږی، چی د ننګرهار ولایت کي په لعمل پوره او د کنړ په دوه ولسوالیو ۴۴۵ توغندي ویشتلي.