دخپریدو نیټه :دوشنبه ۲ دلو ۱۳۹۶ ساعت ۱۴:۱۳
د مطلب کود : 156825
د عطا محمد نور په ملاتړ او وروستي تحولاتو په اړه د احمد ولي مسعود څرګندونې

د احمدشاه مسعود د بنسټ مشر احمد ولي مسعود وایي د حکومت او د جمعیت اسلامي اجرائیه رئیس عطا محمد ترمنځ رامنځته شوې لانجه یواځې د ملي یووالي حکومت د سیاسي هوکړې له پلي کولو سره حل کیدای شي.

نوموړی نن په مزار شریف ښار کې په یوه غونډه کې د وینا پر مهال پر ملي یووالي حکومت مشرانو نیوکه وکړه، چې د ملي یووالي د سیاسي هوکړې په پلي کولو کې پاتې راغلي دي.

ښاغلي مسعود همداشان د حکومت پر مشرانو تور پورې کړ چې د راتلونکو ټاکنو د ترسره کولو لپاره جدي هوډ نه لري او د خپل سیاسي رقیبانو پر وړاندې د لرې کولو تګلاره غوره کړي.

هغه وویل، چې د ملي یووالي حکومت ځینو کړیو د خلکو هوډ یرغمل نیولي دي.

دا په داسې حال کې ده چې د ملي یووالي حکومت او ښاغلي نور ترمنځ د بلخ سیمه ییز حکومت د مشرتابې پر سر له کابو یوه میاشتې راهیسې رانجې روانې دي.

ښاغلي نور وایي د ملي یووالي حکومت مشران نه شي کولې دی له دندې ګوښه کړي.

نوموړی ټینګار کوي چې د بلخ د والي په توګه خپل کار ته ترهغه به دوام ورکړي چې د جمعیت اسلامي ګوند په دې اړه خپل دریځ نه دی روښانه کړی.

سرچينه : د صدای افغان خبری آژانس(آوا)
https://avapress.com/vdccieqsp2bqp48.5ja2.html
تبصره پوسټ کړئ
ستاسو نوم
ستاسو دبرېښنا ليک پته