کد QR مطلبدریافت صفحه با کد QR

پاکستان: له افغانستان سره په صادارتي چارو کې کموالي او وارداتي چارو کې زیاتوالي راغلی

د صدای افغان خبری آژانس(آوا) , 13 حوت 1396 ساعت 10:33

پاکستاني چارواکي وایي چې هېواد یې په وروستیو کلونو کې د افغانستان کابو پنځوس سلنه مارکیټ سهم له لاسه ورکړی دی.




د افغانستان او پاکستان د سوداګرېزو او صنایعو ګډ خونې مشر زبیر موتیوالا ډان نیوز ته ویلي، چې په تېرو دوو کلونو کې له افغانستان سره د پاکستان سوداګرېزې چارې له ۲،۷ میلیارډ دالرو څخه ۱،۲ میلیارډ دارو راټېټه شوې ده.
نوموړی زیاته کړه، چې پاکستان حتی په افغانستان کې د اوړو مارکیټ له لاسه وکړی دی ځکه هند د بلاعوضو مرستو یا سبسایډي پر اساس افغانستان ته سوداګرېزي توکې صادروي، د افغانانو لپاره د وېزو اسانتیاوې او نور سهولتونه برابره کړي دي.
ښاغلي موتیوالا وایي، په وروستیو کلونو کې د پاکستان روغتیایي سکټور هم زیانمنه شوې ده او زرګونه افغانان د درملنې لپاره هند ته سفر کوي چې له امله یې د پېښور روغتیایي سیاحت صفر فیصد ته رسېدلی دی.
هغه وایي افغانستان ته د اوړو په صادراتو کې د کموالي له امله کابو ۱۰۰ فابریکې تړل شوي دي.
په همدې حال کې د پاکستان حکومت بانک وروستي راپور ښیي چې د ۲۰۱۶ میلادي په پرتله په ۲۰۱۷ میلادي کال کې له افغانستان سره د پاکستان د وارداتو په کچه کې زیاتوالي راغلی دی.
د راپور له مخې، پاکستان د ۲۰۱۶ په میلادي کال کې له افغانستان څخه ۴۰ میلیون ډالر واردات درلوده خو په ۲۰۱۷ میلادي کال د وارداتو کچه ۶۸ میلیون ډالرو ته رسېدلی دی.
 


د مطلب کود: 159298

دمطلب پته :
https://www.avapress.com/ps/news/159298/پاکستان-له-افغانستان-سره-په-صادارتي-چارو-کې-کموالي-او-وارداتي-زیاتوالي-راغلی

آوا
  https://www.avapress.com