خوښ ديک ۰

هلمند: په پوځي عملیاتو کې ۴ وسله وال نيول شوي او ۵ تنو ته مرګ ژوبله اوښتې

د هلمند ولایت چارواکی وایی، د ۲۱۵ ميوند قول اردو جزوتامونو د ګډو امنيتي ځواکونو سره د چاڼيزو عملیاتو پر مهال د یاد ولایت د ګرشک ولسوالۍ په مربوطاتو کې د وسله والو ترهګرو او امنيتي ځواکونو ترمنځ نښته رامنځته شوې چې په ترڅ کې يې د (۴) وسله والو په نيولو سره (۱) تن وسله وال ترهګر وژل شوی، (۱) میل کلاشینکوف، (۱) میل تفنګچه، (۱) پایه د ایکم مخابره، (۴) عدده شاژور، (۳) سيټه موبایلونه او (۱) عراده لکسیز موټر د امنيتي ځواکونو لاسته ورغلي، نیول شوي (۴) تنه وسله وال د ګرشک ولسوالۍ ملي امنیت مدير ته د څيړنو لپاره سپارل شوي دي.
هلمند: په پوځي عملیاتو کې ۴ وسله وال نيول شوي او ۵ تنو ته مرګ ژوبله اوښتې

د افغان غږ(افغان غږخبري آژانس) آژانس د خبر له مخی، د هلمند والی ولایت دفتر نه خبر شوی خبر پانه کی راغلی، تیره ورځ وسله والو ترهګرو پلان درلود چې د کجکي ولسوالۍ په يو شمير امنیتي پوستو بریدونه وکړي خو د امنيتي کشفي کامرو له تثبيت څخه وروسته تر برید لاندې راغلل او په پای کې يې (۱) تن وژل شوی او (۱) تن يې ټپي دی.
سر چنیو زیاتوی، همدارنګه د نادعلي ولسوالۍ په لوی مانده سيمه کې دوه تنو وسله والو ترهګرو د امنيتي ځواکونو په اکمالاتي لارو کې ماينونه ځای پر ځای کول چې د خپل ماين په چاودنه کې دواړه وژل شوي دي.
په یاد خبر پانه کی راغلی، د ميوند قول اردو د ماين پيژندنې مسلکي پوځيانو لخوا د هلمند په مختلفو سيمو کې د لوی لارو د چیک او کنټرول پر مهال (۷) کړۍ ډول ډول ماينونه کشف او چاودنه ورکړل شوې ده.
خو وسله والو طالبانو په دی اړه تبصره نه دی کړی.
شنبی ۱۹ حوت ۱۳۹۶ ساعت ۲۱:۴۴
د مطلب کود: 159775 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *