عبدالله عبدالله: د ارګ او عطامحمد نور ترمنځ شخړي د حلیدو په حال کې دي

دغه راز ښاغلی عبدالله په عادلانه او پایداره سوله ټينګار کوي؛ خو وسلوالو طالبانو د ملي وحدت حکومت د سولې وړاندیز ته غبرګون نه دی ښودلی.
عبدالله عبدالله وویل چې تر اوسه وسلوالو طالبانو د دوی د سولې طرحې ته غبرګون نه دی ښودلی؛ خو هیله لری، چې په راتلونکي کال کې به افغانان د سولې په اړه د یوالي شاهدان وي.
د ژمي له پای ته رسیدو سره سم د افغانستان په ګڼو ولایتونو کې جګړو زور اخیستی، چې د وزیرانو شورا په غونډه کې پرې عبدالله عبدالله خپله اندېښنه هم څرګنده کړه او وایي، چې په فراه، تخار، فاریاب او د دایکندي په ځینو سیمو کې مو د امنیتي ځواکونو تلفات لرل.