کد QR مطلبدریافت صفحه با کد QR

هلمند کې موټربم برید دوه سرحدي پولیس وژلي

د صدای افغان خبری آژانس(آوا) , 23 حوت 1396 ساعت 10:45

د هلمند امنیتي چارواکي وايي، نن سهار شاوخوا ننهه بجې یو ځانمرګي بریدګر د چاودیدونکو توکو یو ډک موټر ته د دغه ولایت د نادعلي ولسوالۍ کې د سرحدي پولیسو یو مرکز سره نږدې چاودنه ورکړې، چې له امله یې لږ ترلږه دوه تنه وژل شوي.



د هلمند امنیتي چارواکو ته وویل، چې دا برید د نادعلي ولسوالۍ د تریخ ناور په سیمه د سرحدي پولیسو یو مرکز سره نه دی شوی دی.
د هلمند امنیه قومندان مل پاسوال عبدالغفار ساپي امریکاغږ اشنا رادیو ته وويل چې ځانمرګي برید کوونکي په دغه برید کې د مازدا لارۍ څخه کار اخیستی او سرحدي پولیسو پوستو سره یې نږدې دغه موټر ته چاودنه ور کړې.
مل پاسوال ساپي وویل " لومړني معلومات دادي، چې پېښه د مازدا موټر په وسیله ځانمرګی برید وو، چې دوه سرحدي پوليس پکې وژل شوي او یو تن پکې ټپي دی، برید ګر غوښتل چې پوستې ته ځان ورسوي چې د کمر بند د تالاشۍ سرتیرو پيژندلی او وړاندې تګ مخه يې نیولې".
خو د هلمند یوې امنیتي سرچینې د نوم نه ښودلو په شرط امریکا غږ اشنا رادیو ته وويل، چې په پېښه کې تر اوسه د شپږ سرحدي پوليسو د وژل کیدو معلومات دوی ته رسیدلي دي.
تریخ ناور د نادعلي ولسوالۍ او لښګرګاه ښار ترمنځ د غځيدلي سړک پر سر پرته سیمه ده چې د افغان ځواکونو امنيتي ځواکونو پوستې پکې ځای پر ځای دي.
تر اوسه چا د دې برید مسئولیت په غاړه ندی اخیستی.


د مطلب کود: 160031

دمطلب پته :
https://www.avapress.com/ps/news/160031/هلمند-کې-موټربم-برید-دوه-سرحدي-پولیس-وژلي

آوا
  https://www.avapress.com