د افغانستان د کرنې او مالدارۍ وزارت وايي په ۱۳۹۶ لمریز کال کې د دې هېواد په پنځو زونونو کې د اوبو رسولو ۸۳ پروژې د نړیوال بانک په مالي مرسته عملي شوې دي.
دخپریدو نیټه :يکشنبه ۲۷ حوت ۱۳۹۶ ساعت ۱۶:۵۲
د مطلب کود : 160298
د دې وزارت ویاند اکبر رستمي نن یکشنبه ازادي راډيو ته وویل چې د دې پروژو په عملي کېدو سره ۲۲۰ زره جریبه ځمکې ته اوبه رسېدلي او شااوخوا ۲۰۰۰ کورنیو ترې ګټه اخیستې ده.
ښاغلي رستمي همداراز وویل، ټاکل شوې چې په راتلونکي لمریز کال کې هم د "اوبه په کرونده کې" پروګرام له لارې چې د نړیوال بانک په مرسته پرمخ وړل کېږي، د یو ميلیارد او ۵۰ میلیونه افغانیو په ارزښت، د هېواد په بېلابېلو سیمو کې د اوبو رسولو یو شمېر پروژې پلې شي.
سرچينه : د صدای افغان خبری آژانس(آوا)
avapress.com/vdcb9gb8wrhb05p.q3ur.html
ډیری لیدل شوي
مربوطه لیکنې
[۱۱ قوس ۱۳۹۷] 
[۱۰ دلو ۱۳۹۶] 
[۱۹ حمل ۱۳۹۶] 
