خوښ ديک ۰

کابل کې د درېیو پر له پسې چاودنو مخه ونیول شوه

په کابل کې امنیتي سرچینې وایي، امنیتی ځواکونو د کابل ولایت په بېلا بېلو سیمو کې د درېیو پر له پسې چاودنو مخه نیولې ده.
کابل کې د درېیو پر له پسې چاودنو مخه ونیول شوه

د جنایي جرمونو پر وړاندې د مبارزې ریاست چارواکی وایي، د امنیتي ځواکونو د هلو ځلو په پایله کې پرون ماښام د کابل د قره بارغ ولسوالی په مربوطاتو کې د سړک غاړې ماین چاودنې مخه ونیول شوه.
چارواکي زیاتوي، چې دغه ماین د پاینده خېل ولسوالی اړوند ید یو پلچک لاندې ځای پر ځای شوی وه.
د چارواکو په وینا، د کابل ښار د پنځمې امنیتي حوزې اړوند د کوټې سنګې له سیمې څخه هم یوه ماین کشف او ترلاسه شوه او د شپږمې امنیتي حوزې به مربوطاتو یوه کور ته څېرمه ځای پر ځای شوی لاسې بم هم د چاودنې مخکې کشف او شنډ کړای شو.
د دولت ضد وسله والې او ترهګرې ډلې د وسله والو طالبانو په ګډون تر اوسه په دې اړه څه نه دي ویلي.
دا په داسې حال کې ده چې د دولت ضد وسله والې دلې د وسله والو طالبانو په ګډون هڅې کوي تر څو د هېواد په مهمو ښارونو او لایتونو کې خپل ترهګریز فعالیتونه ګړندي کړي.
 
سرچينه : د صدای افغان خبری آژانس(آوا)
پنجشنبه ۲۳ حمل ۱۳۹۷ ساعت ۱۱:۳۳
د مطلب کود: 161693 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *