خوښ ديک ۰

له سعودي او ترکیې سره نوي هوایي دهلېزونه پرانیستل کېږي

افغان چارواکي وایي، د افغانستان او ترکیې ترمنځ لومړنی هوایي دهلېز به په راتلونکي اوونی کې پرانیستل شي.
له سعودي او ترکیې سره نوي هوایي دهلېزونه پرانیستل کېږي
د بانکدارۍ په چارو کې د جمهوري ریاست د ارشد مشاوریت د عامه اړیکو مسؤل سمیر رسا نن په یوه خبرې ناسته کې د وینا پر مهال وویل، چې د افغانستان او ترکیې ترمنځ د هوایي دهلېز د هوکړې په چوکاټ کې لومړی الوته به په راتلونکي کې اوونی کې ترسره شي.
هغه زیاته کړه، چې په غه الوتنه کې ۱۵ ټنه سوداګریز توکې ترکیې ته انتقال شي چې په کې د غالیو، پوستکو، او میوو په ګډون توکې به شامل وي.
نوموړی دا هم وویل، چې په راتلونکي اوونی کې به د افغانستان او سعودي عربستان ترمنځ هم لومړنی هوایي دهلېز پرانیستل شي.
د ښاغلي رسا په وینا، سعودي ته په لومړنی الوتنه کې به کابو ۵ ټنه سوداګریز توکې انتقال شي چې د هېواد پر صاداراتو به یې ښه اغیزې ولري.
هغه د افغان حکومت د راتلونکو برنامو په اړه وویل، چې د مرمر ډبرو اړوند کاروبار به د هېواد د ملي صادراتو په سټراتیژي کې شامل شي چې پر مټ به یې بهر ته د افغانستان د مرمر ډبرو د صادراتو لپاره هم زمینه برابره شي.
شنبی ۲۲ ثور ۱۳۹۷ ساعت ۱۷:۳۶
د مطلب کود: 163502 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *