خوښ ديک ۰

پکتیا کې حیواني خوراکې توکو تولید لومړنی شرکت فعالیت پیلیدنه

پکتیا ولایت کې د حیواني او خوراکې توکو دتولید لمړنۍ شرکت د نوښت په نامه د غویی په ۲۵ مه نیټه د سه شنبې په ورځ په فعالیت پیل وکړ.
پکتیا کې حیواني خوراکې توکو تولید لومړنی شرکت فعالیت پیلیدنه

په یاد شرکت ۲۰۰ زره ډالره پانګونه شوې.
د شرکت مسؤلین وايي، په ساعت کې له یو نه تر پنځه ټنه تولید لري او شااوخوا ۵۰۰ کاريګرو ته د کار زمینه برابره شوې.
د شرکت د مسؤل حمیدالله حسن‌زي په خبره، اوس‌مهال یوازې د کورنيو، فارمي او غوښنو غواګانو لپاره خوراکه تولیدوي، خو په راتلونکي کې به د چرګانو، کبانو او مېږو او وزو لپاره هم د خوراکې د تولید چارې پیل کړي.
پکتیا کې د حیواني خوراکې د لومړني تولیدي شرکت په پرانیست غونډه کې د پکتیا ولایت مرستیال عبدالولي سهي صنعتکارانو ته ډاډ ورکړ او ویې‌ویل، پکتیا کې د صنعتي پارک د جوړولو لپاره اداري چارې بشپړې شوي او په نږدې راتلونکي کې به‌یې د صنعتکارانو لپاره د وېش چارې پیل شي.
د پکتیا د سوداګرۍ خونو د مسؤلینو په خبره اوس‌مهال پکتیا کې تر ۸۰ وړې تولیدي کارخانې فعالیت لري چې سلګونه کاریګر په‌کې په کار بوخت دي.
 
سی شنبه ۲۵ ثور ۱۳۹۷ ساعت ۱۴:۵۸
د مطلب کود: 163694 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *