دخپریدو نیټه :يکشنبه ۱۰ سرطان ۱۳۹۷ ساعت ۲۰:۳۸
د مطلب کود : 166332
شينزو ابې: د سیمی رهبران دی پر ازاد تجارت موافقې ته ورسېږي
د جاپان صدراعظم شينزو ابې د سيمې له رهبرانو غوښتنه وکړه چې تر وخت مخکې پر ازاد تجارت موافقې ته ورسېږي.


دا په داسې حال کې ده چې د تجارت په برخه کې د امريکا د ولسمشر ډونالد ټرمپ پالېسيو انتقادونه پارولي دي.
جاپان او سنګاپور د سيمه ييز هراړخيز تجارتي شراکت د هغې غونډې کوربانه دي چې نن په توکيو کې پيل شوې ده.
په دغه سازمان کې لس هغه هېوادونه هم شامل دي چې د اسيان په نوم د تجارتي ډلې غړيتوب لري.
د اسيان ډلې شپږو غړو هېوادونو له جاپان، چين، جنوبي کوريا، هندوستان، استراليا او نيوزيلینډ سره د ازاد تجارت موافقه لاسليک کړې ده.
د سيمه ييز هراړخيز تجارتي شراکت په نوم سازمان په ٢٠١٣میلادي کال کې تاسيس شو چې د نړۍ د اقتصاد او نړيوال تجارت د ٣٠ فيصده برخې استازيتوب کوي.
 
https://avapress.com/vdcgw39qxak93w4.1gra.html
تبصره پوسټ کړئ
ستاسو نوم
ستاسو دبرېښنا ليک پته