خوښ ديک ۰

طالبانو په فراه کې ۸ امنیتي ځواکونه وژلي او ۷ ټپیان یې وړي دي

وسلوالو طالبانو تېره شپه د ښار د څنډې ګنهکان په اړوند سیمه کې پر یو ستر امنیتي مرکز ډله ییز برید کړی او دغه مرکز یې نیولی دی.
طالبانو په فراه کې ۸ امنیتي ځواکونه وژلي او ۷ ټپیان یې وړي دي
د فراه ولایت د ولایتي شورا غړی خیر محمد نورزایي ویلي، چې په یاده پېښه کې د افغان ځواکونو ۱۸ سرتېرو ته مرګ و ژوبله اوښتې ده.
نوموړي دغه راز زیاته کړې، چې وسلوالو طالبانو ټپیان د اسیرانو په توګه له ځان سره له اړوند سیمې لیږدولي دي.  
د ولایتي شورا دغه غړی زیاتوي: وسلوالو مخالفانو د دغه پوځي مرکز ټول مهمات او تجهیزات له ځان سره وړي دي.
وسلوالو طالبانو ویلي، چې د هاموی درې تانکونه سوځیدلي او درې نور یې له ځان سره وړي دي.
امنیتي سرچینو تر دې دمه د یادې پېښې په اړه څه نه دي ویلي.
دا په داسې حال کې ده، چې وسلوالو طالبانو تېر ماښام د بالابلوک ولسوالۍ په کنسک سیمه کې  د ښاروالۍ یو کارکوونکی له موتره کښته کړ او ډزې یې پرې وکړې.
سرچينه : د صدای افغان خبری آژانس(آوا)
پنجشنبه ۲۱ سرطان ۱۳۹۷ ساعت ۱۷:۰۵
د مطلب کود: 167028 په کلپبورډ کې د خبر متن کاپی
ستاسو نوم

ستاسو دبرېښنا ليک پته
ستاسو نظر *