د کورنیو چارو وزارت سرپرست سراج الدین حقاني د کوچني اختر په مناسبت په یوه پیغام کې د اختر په ورځو کې د امنیت د ټینګښت ډاډ ورکړی دی.

آوا - کابل: حقاني له هېوادوالو وغوښتل چې د هېواد د امنیت په تامین کې له امنیتي ځواکونو او پولیسو سره همکاري وکړي.
 
د کورنيو چارو وزارت وياند عبدالنافع ټکور وويل، چې د امنيتي وضعيت د ښه والي لپاره بايد خلک له پوليسو سره همکاري وکړي.
 
ټکور وويل: "د اختر په مناسبت له هوايي ډزو څخه ډډه وکړئ او د اختر د لمانځه او د خلکو د خوښۍ د راټولېدو د خونديتوب لپاره جدي پاملرنه وکړئ."