د اطلاعاتو او کلتور وزارت چارواکي وايي، چې په افغانستان کې د بهرنیو سیلانیانو د اسانتیا په موخه په یو شمېر ولایتونو کې ځانګړي هوټلونه جوړوي.

آوا - کابل: د اطلاعاتو او کلتور وزارت سرپرست ملا خیرالله خیرخواه په هرات کې د یوې غونډې پر مهال وویل چې دغه هوټلونه به د افغانستان په شپږو ولایتونو کې جوړ شي.

ښاغلی خیرخواه په افغانستان کې ټولیز امنیت او د بهرنیو سیلانیانو زیاتوالي ته په اشارې سره وايي، وزارت هڅه کوي چې په ټول هېواد کې سیلانیانو ته خدمات وړاندې کړي.

په همدې حال کې په ټول هېواد کې د امنیت له تامین سره افغانستان ته د بهرنیو سیلانیانو شمېر زیات شوی دی.