د غصب شويو ځمکو د غصب د مخنيوي او بېرته راګرځولو کمېسيون چارواکي وايي، چې په هېواد کې د اهل هنود غصب شوې ځمکې تر څېړنې لاندې دي. دوی زیاتوي چې په افغانستان کې له ټولیز امنیت سره یو شمېر اهل هنود کورنۍ هېواد ته راستانه شوي دي.
د اهل هنود غصب شوې ځمکې تر څېړنې لاندې دي
27 حمل 1403 ساعت 14:13
د غصب شويو ځمکو د غصب د مخنيوي او بېرته راګرځولو کمېسيون چارواکي وايي، چې په هېواد کې د اهل هنود غصب شوې ځمکې تر څېړنې لاندې دي. دوی زیاتوي چې په افغانستان کې له ټولیز امنیت سره یو شمېر اهل هنود کورنۍ هېواد ته راستانه شوي دي.
آوا - کابل: د اهل هنود د غصب شویو ځمکو د غصب د مخنیوي او بیرته ورکولو د کمیسیون له خوا د غصب شویو ځمکو د بیا کتنې ترڅنګ، د هند د بهرنیو چارو وزارت ویاند د اسلامي امارت دغه اقدام وستایه.
د ملي ټلویزیون د راپور له مخې، په کابل کې د اهل هنود استازی وايي، د دوی د ځمکو اسناد د دغه کمېسیون تر څېړنې لاندې دي او هیله لري چې خپل حقونه ترلاسه کړي.
د اهل هنود د خلکو استازی ګولجیت سینګ زیاتوي چې له څلویښتو کلونو وروسته موږ د مسلکي عدالت د حکومت شاهدان یو او اسلامي امارت د هندوانو او سیکانو په اړه ډېر ښه نظر لري.
هغه همدا راز هیله څرګنده کړه: "موږ له دې حکومت څخه ډېره هیله لرو چې زموږ خلکو ته به د دوی حقونه ورکړي".
همدارنګه په افغانستان کې د هند د خلکو استازی وايي چې په افغانستان کې ټولیز امنیت تامین شوی او یو شمېر افغان هندي کورنۍ هېواد ته راستانه شوي او دا بهیر به دوام وکړي.
له بلې خوا د ځمکو د غصب د مخنیوي کمیسیون د هېواد په ټولو ولایتونو کې له سیمه ییزو چارواکو غوښتي چې په هېواد کې د هنديانو د ځمکو د غصب په اړه څېړنې وکړي.
په همدې حال کې د غصب شويو ځمکو د غصب د مخنيوي او بېرته راګرځولو کمېسيون شاوخوا ٢٥ ميليونه جريبه غصب شوې ځمکې جوړې کړې چې له دې جملې دوه ميليونه جريبه بېرته راګرځېدلې ده.
د مطلب کود: 288784