جیلاني خان د دهراود په بازار کې د وسلوالو په یوې حملې کې ووژل شو او زوی یې ټپي شو.

د یو بل خبر له مخې د ناټو په مشرۍ ایساف ځواکونه وايي، چې نن یې د هلمند په نهرسراج ولسوالۍ کې د وسلوالو مخالفینو یو قومندان وژلی دی.

ایساف په یوې اعلامیې کې ویلي، چې دغه کس له افغان ځواکونو سره په ګډو عملیاتو کې وژل شوی.

بل خوا وسلوالو کسانو د ارزګان په دهراود ولسوالۍ کې یو قومي مشر وژلی دی.

د ارزګان د امنیې قومندانۍ ویاند فرید ایل ازادۍ راډیو ته وویل، چې جیلاني خان د دهراود په بازار کې د وسلوالو په یوې حملې کې ووژل شو او زوی یې ټپي شو.

ایل وویل، چې نوموړي له دولت سره وظیفه نه لرله. وسلوالو طالبانو د دې قومي مشر د وژنې مسئولت اخیستی دی.