دغه چاودنه د بازارک ولسوالۍ په تلخه سیمه کې په یوه ښوونځی کې شوې چې تلفات نه لري خو د ښوونځي ودانۍ ته یې زیان رسولی.

د پنجشیر ولایت چارواکي وايي، چې تیره شپه د دې ولایت په یوه ښوونځي کې چاودنه شوې.

د پنجشیر د امنیې قومندان قسیم پیمان ازادۍ راډیو ته وویل، چې دغه چاودنه د بازارک ولسوالۍ په تلخه سیمه کې په یوه ښوونځی کې شوې چې تلفات نه لري خو د ښوونځي ودانۍ ته یې زیان رسولی.

بل خوا د وسلوالو طالبانو یوه ویاند ذبیح الله مجاهد د پیښې مسئولیت پر غاړه اخیستی او ویلي یې دي، چې دغه ودانۍ د یوې داسې موسسې وه چې ماشومانو ته یې په کې د عیسویت تبلیغ کاوه.

چارواکو د دوي ادعا بې اساسه بللې.