د بلخ ولایت د پوهنتون لسګونه تنه فارغین شکایت کوي چې؛ ډیپلومونه یې په وخت نه ورکول کیږي.
دغو محصلینو آزادي راډیو ته وویل چې؛ د فراغت یې شاوخوا پنځه کاله کیږي؛ خو لا یې هم ډیپلومونه نه دي ترلاسه کړي او له همدې امله وزګار ګرځي.
خو د بلخ پوهنتون مشر مکمل الکوزي وویل چې؛ ډیر ژر به دغو فارغینو ته په نړیواله کچه ډیپلومونه ورکړل شي.
د بلخ دولتي پوهنتون شاوخوا څلویښت کاله مخکې جوړ شوې چې؛ دا پوهنتون د نړیوالو پوهنتونونو غړيتوب هم لري.