د ننګرهار په خوګیاڼو ولسوالۍ کې پر یوه کور د هاوان مرمۍ لګیدلې؛ درې میرمنې او درې ماشومان یې ټپيان کړي دي.
د خوګياڼو د مرکزي روغتون مشر ډاکټر نوراغا ازادۍ راډیو ته وویل؛ چې دا پيښه نن د مملې باغ په سیمه کې شوې ده.
نوموړی وايي، چې دوی ته په وروړل شویو ټپیانو کې د دوو تنو روغتيايي وضعیت نازک دی.
امنيتي چارواکو تر اوسه د یادې ‎پيښې په اړه رسنیو ته څه نه دي ویلي او دا هم تر اوسه نه ده څرګنده، چې دا مرمۍ د کوم لوري له خوا توغول شوې ده.