په بامیان کې د ښځو چارو ریاست درې تنه کارکوونکي د ښاري محکمې له خوا له دندو لري کړای شوي دي.
د بامیان د ښځو چارو رییسې فاطمې کاظمي آزادي راډیو ته وویل چې؛ دا او د ښځو چارو ریاست د حقوقو مدیره او د بامیان د امن خونو رییسه د بامیان د ښاري محکمې په امر له دندو لري شوي.
دا وایي چې یوه نولس کلنه نجلۍ چې د امن په خونو کې اوسیده او غوښتل یې په خپله خوښه واده وکړي، دوی یې پلوي کوله او له همدې امله له دندو لري کړي شوي.
خو د بامیان د ښاري محکمې مشر عطاالله تمکین په دې هکله رسنیو ته له څه ویلو ډډه وکړه.
بل خوا د بامیان والي غلام علي وحدت وایي چې؛ د ښځو له حقونو ملاتړ د ښځو چارو د ریاست دنده ده او ښاري محکمه حق نه لري، په دې ډول د دې ریاست کارکوونکې له دندو له لیرې کړي.