ولسمشرحامد کرزی نن د یوه پلاوي په مشري نن سریلانکا ته روان شو.
د جمهوري ریاست له خوا په خپره شوې خبرپاڼه کې راغلي، چې ولسمشر کرزې به په دې سفر کې د سریلانکا له جمهور رییس مهیندا راجاپاسکا سره د دواړو هېوادونو د اړیکو په لا پراختیا خبرې وکړي.
په خبر پاڼه کې همدا راز راغلي، چې ولسمشرکرزې به په دې سفر کې له سریلانکا سره د روغتیا، لوړو زده کړو او سپورټ په برخه کې څلور تړونونه هم لاسلیک کړي.