د انتخاباتي شکایتونو کمیسیون مسوولین وایي چې؛ دوی ته د انتخاباتو له ورځې یو زرو دوه سوو نهه شپیته شکایتونه رسیدلي دي.
د دې کمیسون غړي او ویاند نادر محسني نن په یوه خبري غونډه کې وویل چې؛ اکثره دا شکایتونه د ټیلیفون له لارې شوي دي.
دی وایي، د کومو شکایتونو په اړه چې اسناد وي وبه څېړل شي.
نادر محسني خلکو ته ډاډ ورکړ چې؛ دوی به په دې برخه کې خپلې بې طرفي وساتي او د خلکو رایې ته به درناوی وکړي.