د غزني چارواکي وایي چې، تېره شپه ناوخته په اندړو ولسوالۍ کې د طالبانو او د هغوی پر ضد د پاڅون کوونکو ترمنځ نښته کې درې پاڅون کوونکي وژل شوي او دوه نور ژوبل دي.
د اندړو امنيه قومندان لطف الله کامران پېښه تاييدوي او وايي، په نښته کې د ټپي شويو کسانو روغتيايي حالت د ډاډ وړ دی.
ذبيح الله مجاهد چې ځان د طالبانو وياند بولي، وايي، په په دې پیښه کې د پاڅون کوونکو یو قومندان هم وژل شوی دی.
اندړ یوه له هغو سیمو څخه ده چې یو شمیر سیمه ییزو خلکو یې د وسله والو مخالفینو پر ضد پاڅون کړی او هغوی یې له خپلو سیمو شړلي دي.