ټاکل شوې ده چې، په نوي ډیلي کې د افغانستان په اړه سبا یوه غونډه پیل شي.
په دې غونډې کې به د هند جګپوړي پوځي چارواکي هم برخه واخلي. د دې کنفرانس هدف له افغانستانه د بهرنیو ځواکونو تر وتلو وروسته د احتمالي رامنځته کېدونکو ګواښونو د مخنوي د لارو چارو لټول یاد شوی دی.
دا غونډه به پنځه ورځې دوام وکړي او د هند د دفاع وزیر په وینا به پرانیستل شي.
د هند پوځي چارواکي څرګندوي چې؛ د دوی امنیتي او استخباراتي ادارې د افغانستان حالات له نژدې څاري.
هند د یو شمیر افغان ځواکونو روزنه هم کوي.
د نوي ډیلي په غونډه کې به د سیمې پر امنیت هم خبرې وشي.