د افغانستان د لوړو زده کړو وزیر په کانکور ازموینه کې د درغلیو موجودیت رد کړ.
نوموړي چې د ولسي جرګې په استجوابیه غونډه کې خبرې کولې؛ ویې ویل، د کانکور ازموینه په هر هغه ځای کې چې تقلب ولیدل شو؛ لغوه او دوهم وار واخیستل شوه.
یو شمېر وکیلانو وویل چې، په کانکور کې پراخه درغلي شوې او د لوړو زده کړو وزیر یې په بې کفایتۍ تورن کړ.
د ۱۳۹۲ کال د کانکور په ازموینه کې یو لک او لس زره کسان لوړو زده کړو او نیمه عالي تحصیلاتو ته کامیابه شول.