د کندهار په غورک ولسوالۍ کې د پولیسو پرامنیتي پوستې په حمله کې څلور پولیس وژل شوي او درې نور لادرکه دي.
د کندهار مطبوعاتي دفتر مسوول دواخان مینه پال آزادي راډیوته وویل؛ دغه پیښه تېره شپه د دې ولسوالۍ به محمد شاه کلاه سیمه کې وشوه.
په یوبل خبر کې د فراه چارواکي وایي چې؛ نن سهار په پشت رود ولسوالۍ کې د ماین په چاودنه کې دوه ملکيان ووژل شول.
د پشت رود ولسوال غوث الدین آزادی راډیو ته وویل؛ دغه کسان پرموټرسایکل سپاره وو چې؛ ماین پرې والوت.
دغه راز د فراه امنیتي مسوولانو تایید کړې چې؛ د دې ولایت د چهاردهي په سیمه کې تېره شپه د سیمه ییزو پولیسو پر امنیتي پوستې د مخالفو وسله والو په حمله کې یو محلې پولیس وژل شوی.