د افغانستان په فاریاب ولایت کې د سړک غاړې ماین په چاودنه کې ۳ کسه وژل شوي او ۱۳ نور ټپیان دي.
د فاریاب ولایت د امنیي قومندانۍ د دوهمې حوزې امیر سمونوال نظرمحمد ازادۍ راډیو ته وویل، چې دغه چاودنه نن سهار ۸ بجې د میمنې ښارد لودین جادې يه سیمه کې شوې ده.
د نوموړې په وینا د دې پیښې ټول قربانیان ملکي کسان دي.
په همدې حال د فاریاب د مرکزي روغتون رییس ډاکتر علي حلیم ازادۍ راډیو ته وویل، چې دوی ته د پیښې له ځایه دری مړی او دیارلس ټپیان ور وړل شوي دي.