د افغانستان مشرانو جرګه وايي، چې د جمهوري ریاست د دویم پړاو انتخاباتو په اړه شوي شکایتونه باید د شکایتونو د کمیسیون له خوا په دقیقه توګه وڅېړل شي.
د دې جرګې لومړي مرستیال محمد عالم ایزدیار د نن ورځې په عمومي غونډه کې وویل چې؛ لومړی باید پاکې او ناپاکې رایې سره بیلې شي.
د جرګې اکثرو غړیو د انتخاباتو د امنیت د ښه ټینګښت لپاره د امنیتي ځواکونو رول هم وستایه.
د جمهوري ریاست د دویم پړاو انتخابات تیره ورځ ترسره شول چې؛ ویل کیږي، له ۷ میلیونو نه ډيرو کسانو په کې ګډون کړی و.