د افغانستان دفاع وزارت په اسلام اباد کې د افغانستان، پاکستان او ناټو ترمنځ د یوې درې اړخیز غونډې د جوړیدو خبر ورکوي.
د دغه وزارت ویاند ظاهرعظیمي نن ازادۍ راډیو ته وویل، دغه غونډه د دواړو هېوادونو ترمنځ په امنیتي مسایلو او اړیکو بحث کیږي.
د ښاغلي عظیمي په وینا په وروستیو څو کلونو کې شاوخوا ۳۸ ځله د افغان او پاکستاني جنرالانو ترمنځ دا ډول غونډې جوړې شوي دي.
په همدې حال کې افغان کارپوهان د دا ډول غونډو جوړیدل د افغانستان په زیان بولي او وايي، چې پاکستان هیڅ کله له افغانستان سره په خپلو ژمنو کې صادق نه دی.