د افغانستان د سوداګرۍ او صنایعو وزارت وايي، چې پاکستان پر افغان سوداګرو مالیه لوړه کړې ده.
د دغه وزارت ویاند مسافرقوقندي نن ازادي راډیو ته وویل؛ مخکې افغان سوداګرو د یو ټن میوې پر سر ۳۸۰۰ کلدارې مالیه ورکوله؛ خو له یوې اونۍ راهیسې د مالیې دغه اندازه ۱۳۸۰۰ کلداروته لوړه شوې چې؛ سوداګر یې سخت اندیښمن کړي دي.
د دغې مسالې په اړه یې د بهرنیو چارو وزارت له لار د پاکستان سفارت ته یو مکتوب هم لیږلی چې؛ تر اوسه نه دی ځواب شوی.