تمه ده سبا افغان لوبغاړی روح الله نیکپا د نړۍ د ۳۲ غوره تکواندو لوبغاړو په سیالیو کې خپله لومړۍ لوبه له خپل بلجیمي سیال سره وکړي.
د ټکوانډو فدراسیون یوه نړیوال داور عبدالصبور عمري ازادي راډیو ته وویل؛ روح الله نیکپا نن شنبه خپل وزن ورکوي او د یکشنبې په ورځ به لومړۍ سیالي وکړي.
روح الله نیکپا د نړۍ د ۳۲ غوره لوبغاړو په کتار کې دیارلسم ځای لري او په دې سیالیو کې چې په چین کې ترسره کیږي؛ د افغانستان یواځینی استازی دی.
له روح الله نیکپا سره د هغه دوه روزونکي "من سین هاک" او "بشیر تره کي" هم ملګري دي.