د هرات سیمه ییز چارواکي وايي، په شینډنډ ولسوالۍ کې تیره شپه په هوايي بمبارۍ کې څلور ملکي وګړي وژل شوي دي.
د هرات د امنیه قومندانۍ ویاند عبدالروف احمدي آزادی راډیو ته وویل؛ دا لا تراوسه نه ده روښانه چې بمباري د چا له خوا شوې ده.
ښاغلی احمدي وايي، په وژل شویو کې یو ماشوم، یوه ښځه او دوه نارینه شامل دي.
نوموړی وايي، د دې حملې د جزیاتو د معلومولو لپاره یو پلاوی شینډنډ ولسوالۍ ته لیږل شوی دی.