په افغانستان کې د لومړي ځل لپاره د تلویزیون انالوګ سیستم په ډیجیتل واوښت.
 د افغانستان د مخابراتو او معلوماتي ټکنالوژي وزیر امیرزي سنګین نن په کابل کې د دغه نوي سیستم د پرانستې پر مهال وویل، دغه سیستم به په کابل کې د تلويژيون شپیته چینلونه ترخپل پوښښ لاندې راولي.
 ښاغلي سنګین زیاته کړه، هڅه کوي چې د دغه نوي سیستم لړۍ د هېواد نورو ولایتونو ته هم پراخه کړي.
 د تلویزیونونو په ډیجیتلي کیدو سره د تلویزیوني خپرونو د تصوریرونو او غږ کیفیت معیاري کیږي او تلویزیونونه کمه انرژۍ مصرفوي.