د ملي دفاع وزارت وايي، د ملي اردو د ٢٠٧ اتل قول اردو د پنځمې سرحدي لوا کشفي موظفينو د فراه ولايت په پشمکي سيمه کې شل ميله ډول ډول وسلې او يوه اندازه مهمات کشف او ترلاسه کړي دي.

د هېواد د ترانسپورت او هوايي چلند وزارت چارواکي له فراه ولایت څخه د ایران بیرجند ښار ته د مسافرو د مستقیم انتقال د پیل خبر ورکوي.

په بادغیس او فراه ولایتونو کې د اسلامي امارت سیمه ییز چارواکي وايي، د نړیوالو مرستندویه موسسو له خوا په دغو ولایتونو کې پر ۱۵۶۶ اړمنو کورنیو نغدي، خوراکي او ژمني جامې وویشل شوې.

په فراه ولایت کې د اسلامي امارت سیمه ییز چارواکي وايي، په دغه ولایت کې د ۶۲ میلیونه افغانیو په ارزښت د اوبو رسولو د شبکې د جوړولو چارې بشپړې او ګټې اخیستنې ته وسپارل شوې.

د فراه ولایت د چاپېریال ساتنې ریاست سرغړونکو ته د نایابه مرغانو د ښکار او د ځمکې لاندې اوبو له غیر ضروري مصرف څخه د مخنیوي په موخه خبرداری ورکړی.

د فراه ولایت د اوبو د تنظیم ریاست وايي، په دغه ولایت کې د ځمکې لاندې اوبو له سرچینو څخه د زیاتې استفادې له امله د دغو سرچینو کچه ۳۰ سلنه راټیټه شوې ده. په همدې موخه دغې ادارې له کروندګرو وغوښتل چې د اوبو په کارولو کې له احتیاطه کار واخلي.

د فراه ولايت چارواکي وايي، چې په دغه ولايت کې د سېلابونو له امله دوه تنه مړه شوي او سلګونه کورنۍ زيانمنې شوې، مواصلاتي لارې تړل شوې او سلګونه جريبه کرنيزه ځمکه ويجاړه شوې ده.

ملي دفاع وزارت نن په یوه خپره کړې خبرپاڼه کې ویلي، د فراه د خاک سفید لپاره د وسله والو طالبانو له لورې نومول شوی ولسوال مولوي باري جان چې په حاجي حمید مشهوره وو د افغان ځواکونو په هوايي برید کې د یاد ولایت په فراه رود سیمه کې په نښه او له منځه وړل شوی. د ملي دفاع وزارت په وینا د هوايي برید پر مهال د نشه یې توکو یو قاچاقبر هم وژل شوی. وسله والو طالبانو ...

د فراه ولایت امنیتي مسولین وایي چې د دې ولایت د لاش جوین ولسوالۍ پر امنیتي پوستو د طالبانو له لوري شوي ډله ییز بریدونه له سخت غبرګون سره مخ او په شاه تمبول شوي دي.

د فراه امنیتي چارواکي وایي، د پرچمن ولسوالۍ لپاره د طالبانو نومول شوی ولسوال حافظ عبدالحق له نورو شپږو ملګرو سره یې د بې پیلوټه الوتکې په برید کې ووژل شو.

نظامي چارواکي وایي، د فراه ولایت په پر چمن ولسوالۍ د طالبانو ډلییز برید یې د دغې ډلییزې حملې د قوماندان نور احمد او یو شمېر نورو وسله والو په وژلو سره پر شاه تمبولی دی.

د ملی امنیت خاص قطعه د فراه په ولایت کې د طالبانو یو لوی دیپو له منځه وړی او د طالبانو قاضی هم په هلاکت رسولی دی.

د فراه په مرکز کې تېره شپه د نجونو یو ښوونځی د دولت د وسله والو مخالفانو له خوا وسوځول شو.

هیڅ دولتی او غیری دولتی مسؤول کس د خپل شخصی امنیت په نامه، نه شی کولای هیڅ ډوله ثقلیه اسلحی لکه دهشکه، راکت او پیکا د ځان سره حمل کړی.

د فراه ښار په څنډو او ځینو ولسوالیو کې د امنیتي او دفاعي ځواکونو او وسله والو ترمنځ نښتې شوي، چې په پایله کې یې شاوخوا ۲۵ وسله والو ته مرګ ژوبله اوښتې ده.

د فراه ولایت د والي ویاند وايي، په دغه ولایت کې د راغورځېدلې الوتکې په پېښه کې د وژل شویو يو شمېر کسانو جسدونه یې د قومي سپین ږيرو او سره صلیب په همکارۍ د فراه مرکز ته انتقال کړي دي.

د افغانستان په لوېدیځ ولایت فراه کې د ملي اردو یوې هليکوپټرې سقوط کړی چې په‌کې ټول ناست ۲۵ سورلۍ وژل شوي دي.

راپورونه وایی، د فراه د تپه شیران په سیمه کې ۴ تنه افغان امنیتی پولیس د وسله والو په بریدونو کی وژل شوی دی.

د فراه امنیتي چارواکي وايي چې د دې ولایت په یوشمېر سیمو کې پوځي عملیات د لسګونه وسله والو په مرګ ژوبله پای ته ورسېدل.

د فراه ولایت په دوو ولسوالیو کې د کومانډو او بهرنیو ځواکونو هوایي بریدونو په ترڅ کې اوه وسله والو ته مرګ ژوبله اوښتې ده.