د سرپل ولايت د امنيې قوماندانۍ وياند وايي: له بده مرغه د سرپل ولايت د سانچارک ولسوالۍ په تغايخواجه کلي کې يو شمېر ماشومانو له يوه ناچاوده لاسي بم سره لوبې کولې چې هغه پر دوی چاودنه کړي.

د افغان سرې مياشتې ټولنې مسوولين وايي، چې د زړه په ناروغۍ اخته ۲۲ نور ماشومان د درملنې په موخه د کابل دوو روغتونونو ته لېږدول شوي دي.

د ملګرو ملتونو د بشري مرستو د همغږي کوونکي دفتر (OCHA) د دغه سازمان د بودیجې د کموالي په اړه خبرداری ورکړی او ویلي یې دي، چې له دې سره به په افغانستان کې تر ۱۶۶۰۰ ډېر ماشومان له زده کړو بې برخې شي.

د کار او ټولنيزو چارو وزارت وايي، سږ کال دغه وزارت د کابل په واټونو کې په شاقه کارونو بوخت دوه زره ماشومان او ۱۹ زره سوالګر ماشومان راټول کړي او د سرې مياشتې رياست، يتيمانو او د دغه وزارت تخنيکي او حرفوي مرکزونو ته يې معرفي کړي دي.

د بامیان ولایت سیمه ییز چارواکي وايي، د تېرو کلونو د شمېرو له مخې سږ کال په خوارځواکۍ د اخته ماشومانو شمېر دوه برابره شوی دی.

د ماشومانو د ساتنې ادارې د یوه راپور په خپرولو سره په هېواد کې د ماشومانو د وضعیت په اړه خبرداری ورکړی او ویلي یې دي چې په افغانستان کې د ناوړه وضعیت پړه پر ماشومانو اچول کېږي.

په کندز کې د اسلامي امارت سیمه ییز چارواکي وايي چې د ملګرو ملتونو د ماشومانو وجهي صندوق په دغه ولایت کې پنځه زره ماشومانو ته د زده کړو زمینه برابره کړې ده.

د روغتیا نړیوال سازمان وايي، په تېر کال کې په افغانستان کې شاوخوا نهه میلیونه ماشومان د فلج پر ضد واکسین شوي دي.

د بلخاب له جګړې شاوخوا یوه میاشت تېرېږي. هغه جګړه چې زرګونه کورنۍ یې بې ځایه کړې. د نړیوالو سازمانونو د معلوماتو له مخې د سرپل ولایت له بلخاب ولسوالۍ څخه څه باندې ۲۷ کسان بې ځایه شوي او وضعیت یې ډېر کړکېچن دی.

په بلخ ولايت کې يو شمېر کارګر ماشومان وايي، چې ښوونځيو ته تلل؛ خو د بې وزلۍ او اقتصادي ضعف له امله نه شي کولى خپلو زده کړو ته دوام ورکړي او په راتلونکي کې غواړي چې زده کړه وکړي او خپل وطن ته خدمت وکړي او له چارواکو غوښتنه کوي چې د هېواد اقتصاد ته وده ورکړي څو ماشومان کار ته اړ نه شي.

د افغانستان د اسلامي جمهوري دولت د عامې روغتیا وزارت د یونیسف او د روغتیا نړیوالې ادارې په مرسته نن د روان زیږدیز کال د پولیو ضد واکسین کمپاین لومړنی پړاو په لاره اچوي. په دې کمپاین،کې چې د مارچ د ۱۶ نیټې پورې دوام مومي، شاوخوا ۹،۹ میلیونه د پنځو کالو کم عمره ماشومان د پولیو په وړاندې واکسین کیږي