دخپریدو نیټه :يکشنبه ۱۳ ثور ۱۳۹۴ ساعت ۱۹:۴۹
د مطلب کود : 110986
جمهور رئیس غني د ملي شورا د اداري فساد پرخلاف د مبارزې له پارلماني ډلې سره وکتل
د افغانستان د اسلامي جمهوریت جمهور رئیس محمد اشرف غني، د حمیرا ایوبي په مشرۍ د ملي شورا د اداري فساد پرخلاف د مبارزې د پارلماني ډلې له غړو سره وکتل.
په دغه کتنه کې چې نن غرمه په ارګ کې ترسره شوه، د دغې ډلې غړو په چاروکې د روڼتیا د رامنځته کولو او د اداري فساد د مخنیوي د لارو چارو په باب خپل نظرونه له جمهور رئیس غني سره شریک او په دې اړه یې ځانګړي وړاندیزونه مطرح کړل.
جمهور رئیس محمد اشرف غني د ملي شورا د اداري فساد پرخلاف د مبارزې د پارلماني ډلې د غړو د نظرونه او وړاندیزونو له آورېدو وروسته وویل چې د ملي وحدت حکومت د هېواد په کچه په ټولو اداروکې د اصلاحاتو رامنځته کولو او د اداري فساد پرخلاف مبارزې ته ژمن دی.
جمهور رئیس غني د ملي شورا د اداري فساد پرخلاف د مبارزې د پارلماني ډلې له غړو وغوښتل چې د اداري فساد د مخنیوي لپاره د منظمو پروګرامونو له لارې له حکومت سره همکاري وکړي
سرچينه : د صدای افغان خبری آژانس(آوا)
https://avapress.com/vdcaawn6i49n6o1.hxk4.html
تبصره پوسټ کړئ
ستاسو نوم
ستاسو دبرېښنا ليک پته